Manchester United target Antoine Greizmann don yarn about hin future

Image result for griezmann

As time dey go, Antoine Griezmann go soon make up hin mind ontop whether e wan remain for Spain, or e wan move enter Old Trafford to join hin French Teammate Paul Pogba for Manchester United.

The 26 year old French foward na the main person wey Reds manager Jose Mourinho wan buy this summer and United dey ready to activate hin £87m release clause.

Image result for griezmann

Shey Griezmann go wakka commot from Atletico Madird?

No be today wey the rumour start o, na during the season wey reporters bin dey ask am about hin future.

Hin tone don dey change as e dey respond to them but there get one or two things wey e dey yarn, wey dey make people believe say e go remain for Spain.

Here Man United in Pidgin don sharply get all Griezmann’s quotes ontop the matter.

Image result for griezmann

DECEMBER – This na wetin Griezmann yarn for France Football: “I dey feel myself for Atletico Madrid. I no fit commot for here. People dey talk say i wan go England, but na here i dey.”

“The place where i go like finish my career na United States. I yori yori for that place. I go like to dey carry my pikins to watch NBA games. I dey see myself for yankee already.”

JANUARY – “I dey Madrid o. I no wan commot. I dey happy here. E no tey wey my wife born pikin, i dey play matches, i dey okay. Make una no vess, na here i go dey. I dey feel myself for Atletico. Nothing fit make me commot.”

Image result for griezmann

FEBRUARY -This na wetin Griezmann yarn for French outlet RMC: “Nobody sabi as our season go finish. If e finish bad, maybe i go ask myself whether i wan commot. For now, i no dey think about am.”

“If i wan commot self, where i wan go. In Spain, Barcelona and Real Madrid dey. For Barca, dem already get three danger men. Real Madrid? Improsicant as i dey Atletico.”

“German League dey boring. France, Tufia. England, my private life dey at risk.”

“But i dey watch English League wella. The Refs dey allow make the game flow and fans dey yakpa for the stadiums.”

Image result for griezmann

“But if i wan choose a League, na Spanish League i go choose onto say e dey blend well with my game.”

MARCH – Griezmann yarn for beIN sports: “As i don tell una many times for past, i dey happy here and my family no dey complain. Everything dey gel. For here, the Sun dey shine throughout the year and e dey help.”

MAY – This na wetin Griezmann yarn for French TV show Quotidien: “I dey reason say i go decide about my future in the next two weeks wey dey come so.”

Dey con ask am if e fit go Manchester United and this na wetin e respond, “E dey possible. E dey 6/10 possible.”

Dey con ask am if e go remain for Atletico Madrid and dis na wetin e yarn: “Na 7/10 chance say i go dey here next season.”

MAY – “Na we finish Third for La Liga. Na the target wey the club set for us, but the players wey dey hear dey eye better thing pass dis one.”

Image result for griezmann

“With Atletico, i don reach one final, and UEFA Champions League semi final. E remain small but we dey miss something. Make i see wetin the club go do for transfer market.”

“My family, sabi say i like to dey win trophies.”

“I wan dey carry trophies. I don reach that point wey tearing net and playing well no do me. E no dey enough. The thing wey i wan do na to dey carry trophies.”



Wetin you think?

Fill in your details below or click an icon to log in: Logo

You are commenting using your account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )


Connecting to %s