Who go replace Zlatan Ibrahimovic for Manchester United? Lukaku or Morata

Image result for lukaku morata

Manchester United dey chook eye for two new strikers as Zlatan Ibrahimovic fit no return to Old Trafford again, na wetin reports dey say.

Real Madrid don table £60m for David de Gea but Manchester United no gree

The Daily Mail dey claim say, the main people wey Jose Mourinho dey focus on na Real Madrid star Alvaro Morata and Everton yansh tearer Romelu Lukaku.

Image result for lukaku

Dem two, don work under the United manager before, and now wey Ibrahimovic’s agent Mino Raiola don admit say hin client fit no stay for Old Trafford, Baba Special go like make one of dem, come play for am.

Image result for morata

Ibrahimovic go turn 36 next season and we dey doubt if e go dey fit before January onto say the woundjure wey e get last season serious.

But yesterday, e bin post fitness video on Instagram, where e bin dey kick ball for the first time since hin ACL wound.

Image result for zlatan ibrahimovic

Zlatan bin dey jog on the spot and hin fitness coach bin dey throw ball for am and e dey kick am. The caption wey e use na: “The touch wey i get no fit vanish. Person wey be Lion, no fit recover like human being.”

Podcast: Manchester United 2016/17 Season review – We try or abi we no try?

Fashi say Zlatan don dey improve, no confirm date don dey ontop when e go return and the thing dey worry Jose Mourinho, na why e wan dive inside transfer market to find replacement. Everton talk say make we bring £100m for Lukaku, while Real Madrid dey ask for £65m for Morata.

Manchester United target Antoine Greizmann don yarn about hin future


Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s