- Manchester United’s Sam Johnstone bin dey learn work for Aston Villa (loan), na there e spend most of hin season.
- United talk say anybody wey wan carry am, to bring £5million for the 24-year-old keeper.
- The people wey dey manage Johnstone dey follow Leicester and Watford talk.
- Real Madrid wan snatch David de Gea from United.
Sam Johnstone na one of the Manchester United’s goalkeepers wey fit pack hin bags this summer as Jose Mourinho no rate am.
Real Madrid wan snatch De Gea and United don dey eye possible replacements incase e happen.
If the Reds sign another keeper, e mean say e go reduce Sam Johnstone’s chances more as the guy don already dey behind Sergio Romero and Joel Pereira in the pecking order.
Sam Johnstone bin dey learn at Steve Bruce’s Aston Villa for the most part of the season in the Championship.
Johnstone bin impress when e dey Aston Villa and even tho the club go like make hin deal permanent, dem go face big competition as other clubs like Leicester, Watford and Sunderland dey chook eye for the guy matter.
Last year, Bristol City bin wan buy Johnstone. Dem table £3million for the guy but United reject am, talk say the money small, say na £5m dem want for a player wey get pass 2 years left on hin contract.
During hin career at United, Jonstone don go loan for Scunthorpe, Walsall, Yeovil, Doncaster (twice), Preston (twice) and Villa.