The reports wey we dey hear from Spazio Inter, na say James Rodriguez days dey numbered for Real Madrid as e dey prepare to switch to Manchester United.
Man United dey serious ontop hin matter and after the 12th European Cup wey e celebrate with the Spanish giants, the Colombian bin say bye bye to hin teammates as Jose Mourinho and Jorge Mendes dey work hard to finish the paper work.
Manchester United dey ready to table £50m for James Rodriguez, and now wey dem don qualify for Champions League, e fit consider the move. From everything wey we dey hear, the deal go happen and e go pain Inter Milan onto say dem wan buy am.
Manchester United still dey chook eye for Perisic from Inter Milan, as the guy fit play wing, make James Rodriguez play Number 10 role, as Wayne Rooney fit commot this summer.