Manchester United dey close to the second signing wey dem go make this summer, Fábio Henrique Tavares aka ‘Fabinho’, na wetin plenty reports dey yarn.
The club don already announce say dem don strike deal with Benefica centre-back Victor Lindelof, who go wakka enter United after hin medical & salary matter don dey settled.
Na small thing remain make the Monaco star Fabinho wakka enter United.
The Independent talk say Ed Woodward and ko don make better progress on the deal, while reports for France dey talk say if Fabinho no extend hin Monaco contract, then Manchester United na the only club wey e go like go and O Jogo for Portugal believe say na small thing remain make the deal dey complete.
Fabinho fit play central midfield or right back, and na one of the players wey epp Monaco last season in Champions League & Ligue 1. If United fit sign am, hin partnership with Paul Pogba go make brain and the Reds go fit dey dominate Premier League teams.
However, hin Monaco teammate Kylian Mbappe no dey go Manchester, na wetin L’Equipe yarn.
The French newspaper talk say the guy no dey enter Premier League, upon say United, Arsenal, Manchester City and Liverpool want am.
However, the 18-year-old fit no dey Monaco next season as Real Madrid don dey chook eye for hin matter and they fit attract am with huge money.
You also fit listen to our Latest Podcast about transfer matter featuring Ruggedy Baba aka ‘Rugged Man’ below: