Cristiano Ronaldo no happy at all for Real Madrid and for Spain sef generally so hin don yarn dem say hin wan commot as all the source don day yarn. But as mata take be dem Neva put Man Utd name for list of contenders, but we know say Man Utd fit chuck head enta the transfer at anytime con buy Ronaldo commot for Spain.
Beleaguered Barcelona midfielder Angre Gomes don enta United eye as dem won add am join Victor Lindelof for dem players way don sign for Manchester United but first Barca new coach Valverde wan access the Portuguese quality propa propa. The fee way we go use land Gomes reach sontin like £30m.
Tottenham ogbonge midfielder Eric Dier way dem carry £50m price tag give am be like say hin go commot for United wish list as the price no make sense for dah kyn player.
Alvaro Morata day very close as to becom one of awa pikin for Old Trafford, but Chelsea fit do us PDP leve colobi am go dem bundage as the transfer window be so.
Lyon don say show signing Adnan Januzaj plenty likes as dem wan carry am commot from United. Real Sociedad sef don turn washdog as dem day touch-light the situation too.