Why Pogba go better for Next Season 

man-united-line-up-192662

Pogba world record transfer fee no go be issue again next season as him strong personality dun dey manifest with mixture of swag plus Holy Ghost fire. This Na Wetin him former coach Rene Meulensteen yarn.
Bros Pogboom wey dun clock 24 years old been arrive ManUtd with big expectations wey him carry for him shoulder as him summer long transfer saga been play out on top social media. Since then, him dun slowly confam himsef for Old Trafford sha as the player we expect am to be.

img_3397-1

Pogba bin dey directly involved for 15 goals wey we use knack other teams akpako since him move from Juventus, including the Europa League final opener last month and him dun sammer enuff shots wey dun knack woodwork nine times. Me Sef dey pity all them post gan.

Why Jose Mourinho no want make Fabinho enter Manchester United

Meulensteen, wey work with Pogba for him first waka for United dey reason say the French man go benefit wella as the whole world dey chook eye for him matter as him dun return back to English football.

“Paulo get mad experience when him bin dey Juventus and the French national team. But him soup never sweet finish as e get some things wey him still need to master for him game to make am dey ghen ghen for next season”. This Na wetin Meulensteen yarn journalists.

“Na better baller him be with mad skills and strong mind. So I dun finalise am for my mind say him him go cause better gbege for ManUtd campaign next season for all weather”.

“Big transfers dey only last as long as one season and as e be now, I feel say enuff people no go get liver to dey remind am of the fee ManUtd use buy am. As e be now Sef, e no go be problem again”.

Wetin Andrea Belotti fit bring to Manchester United?

Make Una watch out for more Meulensteen tori as him Sef dun analyse why Baba Special must buy Alvaro Morata come next season. We go dey bring all these correct tori for Una side.

Till then, one love.

Advertisements

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s