MANCHESTER UNITED new signing Victor Lindelof dun give am stamping say hin performance no go touch hin transfer fee not to talk say e go effect am.
The Swedish international sign from Benfica for deal wey worth £30.7m, and dun tanda ready as to become half of Jose Mourinho first choice defensive pairing with awa oga for defense Eric Bailly aka Baba Blue
United first look Lindelof wella ahead of January transfer window, but dey concern cos the fee dey as e be, as Phil Jones and Marcos Rojo form join am, e con cause six-month delay.
But the club newest centre-back don reveal say hin no dey pay any attention to the numbers, say na only hin performances ontop the field dey hin mind.
“I no dey think about am,” hin tell Aftonbladet when dem ask am about the fee.
“I no think say na sontin way gel. I dey here to play confam football and perform wella as possible for Manchester United.
“I no dey monitor dah kyn tin, take of say I no dey spend plenty time on am. E no dey important to me. E just mean say you don do something wey beta and the club too dun want me be dat.”
Hin con admit am sey hin dey very glad for the official confirmation wey troway all the yama yama rumours wey dey fly ontop hin future enta guta – and questions wey be sey hin no fit answer.
Lindelof con add: “I dey proud con happy join sey dem gimme me this kyn chance, but I need few days make everything calms down first .Then I go even happy more.
“I dey very happy. Everything happen fast fast e no waste time. To come Premier League, and one of the biggest club for this world today, na big hustle e be to enta first. But my broda my sister na dream come tru.
“E just too plenty for my head [rumours and speculation], I just dey glad sey e dun finish and i dey sidown here today. I dey glad sey I no need to dey answer any question [ontop hin future] and I no need to dey evade them. Na beta feeling”