Jose Mourinho’s hardest task fit be to find the player wey go replace Michael Carrick


One year don wakka past since the time wey Eric Bailly wakka enter Manchester United as the first signing wey Jose Mourinho do, before e carry dem Pogba, Mkhitaryan and Zlatan Ibrahimovic enter Old Trafford.

Now e don sign Victor Lindelof, we dey expect say e go sign another three players and the next player wey fit land for Old Trafford na Real Madrid Alvaro Morata.

Then Jose go wan sign winger wey dey direct, and sabi work hard and Ivan Perisic fit be the guy – as the demands wey Inter Milan want no too much.

Finally, the main matter na the person wey fit replace Michael Carrick.

Who go replace Zlatan Ibrahimovic for Manchester United? Lukaku or Morata

Since the time wey Carrick wakka enter United in 2006, the Reds don spend over £214 million on central midfielders, three permanent managers don wakka enter, wakka commot, Paul Scholes bin come out of retirement and e go back again.

Image result for carrick

And, yet, Carrick still dey for United and the Reds don reward am with new one-year contract ahead of hin testimonial match wey happen earlier this month.

The English international, wey dey in hin 30s, dey manage keep himself fresh and e dey contribute heavily to the team.

But, Fashi say Carrick strong, na only 17 matches wey e play out of the 35 final fixtures wey Jose Mourinho’s side get last season.

The players wey Jose bin dey choose from na Paul Pogba, Ander Herrera and Marouane Fellaini but the truth be say, if United wan dey compete for major titles, dem gots find the person wey go replace Carrick.

As Carrick go turn 36 next month, United dey try find the perfect replacement for am and many options dey. Who go fit fill hin sizable boots?

Monaco midfielder Tiemoue Bakayoko dey chook eye for Old Trafford after the Reds bin qualify for Champions League after dem knack Ajax for Europa League final.

Manchester United dey ready to table £175million + David de Gea for Cristiano Ronaldo

Chelsea dey the race to sign am too and dem don already dey yarn money matter with the 22-year-old, but nothing official don happen (No deal dey made).

If Bakayoko wakka enter Stamford Bridge, e fit affect Nemanja Matic’s position for there and Jose Mourinho fit wan make the guy come Old Trafford.


Another player wey Jose Mourinho dey fancy na Eric Dier wey dey Tottenham, but Spurs no wan make United collect am.




Wetin you think?

Fill in your details below or click an icon to log in: Logo

You are commenting using your account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )


Connecting to %s