Ex-Manchester United striker Zlatan Ibrahimovic dun get plenty offer from clubs

Ibrahimovic agent Mino Raiola dun claim sey the striker dun get ‘plenty offer from US and beyond’.

The 35-year-old dun due to become free agent for next month after hin contract end for Manchester United. Hin suffer cruciate knee injury for United Europa League quarter-final against Anderlecht for April, as the tin effectively end hin time for Manchester United.

Ibrahimovic, wey tear 28 goals for hin one season for Old Trafford after hin enta ontop free transfer from Paris Saint Germain last summer, no enta list of retained players wey United issue wen this month start.


Even as hin undergo hin surgery con shine teeth come out so for America for May so,the Swede no dey expected to return until January latest. Hin currently dey undergo rehabilitation for Carrington some kyn speculations dun dey fly say hin fit do another Jose Mourinho comeback if baba dun fit to dey tear net anyhow, dey shake defence anyhow.

Real Madrid president Florentino Perez don confam say Man United never bid for Morata or Ronaldo

Hin agent Mino Raiola dun give update ontop hin future but no con specifically mention weda hin go stay for Manchester. Hin yarn say hin still dey expect offer from former club AC Milan but fit dun return already if to say na ex-chief executive Adriano Galliani dey chairmoo seat now.

Raiola yarn Gazzetta dello Sport say: “Ibra dey kanpe, hin dun receive plenty plenty offer yafuyafu from US and beyond. Hin no dey go Napoli for where? Olorun maje o. Milan neva ask me anything ontop hin mata. If to say na Galliani, hin for dun dey chop Italian suya sef.”

Na renowned surgeon Dr Freddie Fu operate Ibrahimovic for Pittsburgh as dem dun dey talk am sey hin dun dey draft sack latter give hin injury small small.

Weeks after hin surgery hin con post one video for Instagram, hin con capture am as hin dey nack leather ball like sey na ‘ball onike’ for the first time for hin backyard garden of eden(no b hazard o😒). As hin dey Jog ontop the spot together dey troway ball back enta air, Ibrahimovic con dey use coded dey nack am back seven times with hin two feet. Papa ibro na winch sha. Ibrahimovic con caption the video sey: ‘The touch no go disappear. Lions no dey recover like shipini humans.’



Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )


Connecting to %s