Cristiano Ronaldo wey be one of the world best players wey dey now, wey be say hin win La Liga and Champions League for the season wey complete so, even knack 42 goals enter post inside 46 match wey hin play don be Manchester United target for a while as him don change am for Spanish Authorities with the way dem carry dey do anyhow these days.
Hin even been dey ginger say Madrid no dey give am better support so, dey talk say hin wan leave Spain.
Manchester United come dey shook eye for the matter so to see weda dem fit kolobi am return am to Premier League but report dey talk say Madrid want £150M for him head.
Make e no for loss? Mourinho, wey don been get quanta with Ronaldo for Madrid before don talk say make Manchester United executives die the matter, shook eye for Neymar instead.
The United coach been don wan kolobi Neymar before, when hin still dey Santos and e clear say hin like the player wela. Make we dey observe as e dey go