Manchester United dey reason kolobi another Benefica star ‘Nelson Semedo’


Nelson Semedo


Manchester United been don drop £31M bid for Nelson Semedo wey be Benefica full-back, nain tori from Mundo Derpotivo dey cap so.

Dem dey talk say Manchester United don be the first team wey don drop bid out of all the other teams wey dey reason the player so, wey e be say our talku-talku noise maker neighbours City even follow for inside.

City with some kain ogbonge European clubs like Paris Saint-Germain, Barcelona and even Bayern Munich dey reason the player for this summer transfer window so.

Manchester United been don kolobi one Benefica player this summer already wey be Victor Lindelof but dem no go mind roger another one so.

Mundo Derpotivo come dey talk say Benefica go reason any offer wey near £35M for the Semedo guy and e go come mean say United gats put like £4M on top the one dem drop so.

The player sef, as e be now, dey international duty for hin country wey be Portugal as dem follow for country sides wey dey knock ball for Confederations Cup for Russia so even if head dey this transfer so, e go take time before any party go announce am.


Wetin you think?

Fill in your details below or click an icon to log in: Logo

You are commenting using your account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )


Connecting to %s