Monaco player wey be Fabinho don dey Manchester United eye for long now.
For the last season wey just complete so, Fabinho show face for 50 matches for all competition for the Leonardo Jardim Monaco team wey make sure say dem end PSG chairmanship for French football.
Monaco dem on their own don lose one key man wey be Bernado Silva and their smallie star boy wey be Kylian Mbappe so, dey totori many European giants but dem still dey expect to hail more stars for this summer transfer window so.
Tori been dey circulate say Mourinho no dey reason Fabinho at all but still on still one journalist wey be Emanuele Giulianelli dey cap say Fabinho go soon be Man Utd player. Hin even talk say hin no dey reason all those tori wey say Mourinho no want the player.
Fabinho na versatile player wey fit play as right back and as central defensive midfield and hin versatility fit serve Mourinho well as season dey run pass.