Cengiz Under dun come out talk bata tin say hin wan play for Manchester United one day after hin establish hinself as Turkish football hottest ballers
The 19-year-old been dun chop the nickname ‘Turkish Dybala’ after all hin balling and impressive display for Istanbul Basaksehir.
Under dey directly involved for 16 goals last season as Basaksehir finished for second-place con reached Turkish Cup final.
The forward make hin senior international debut for November and dun already score two goals for the Land of the Crescent Moon.
Report con commot from Under say some clubs been dun day look look am, wey be say pple like Chelsea, Tottenham, Lille and Freiburg, con win some other Premier League clubs mind as dem dey find am too.
“Every player wan play for team like Manchester United or Chelsea,” hin yarn Milliyet.
“I believe say one day boy go blow I go con play for one of all those ogbonge clubs.
“Among leagues I wan play na La Liga, Bundesliga and Premier League, but I wan play for Premier League the most.”
For Turkey, Fenerbahce dun report day dem want Zlatan Ibrahimovic as to replace Robin van Persie as club new talisman.
AMK claim say the Turkish giants dun already follow the 35-year-old agent, Mino Raiola, rap mind weda hin go dey interested with the kyn deal wey dem get.
The report con add say dem con tell Fenerbahce say dem fit need to pay Ibrahimovic annual salary of £8.8m as to convince am to move to the Şükrü Saracoğlu Stadium.
Fenerbahce dun plan to release van Persie this summer as them dem look to comply with Financial Fair Play regulations ontop over-spending.
In terms of incomings, United dun set to miss out ontop Monaco midfielder Tiemoue Bakayoko – who report dun yarn say e dey close to seal £35m move to Chelsea.
The 22-year-old get interest as to move to Old Trafford after Jose Mourinho side qualified for the Champions League last month.
But, as L’Equipe yarn, Bakayoko dey convinced personally by Antonio Conte say make hin snub United con instead move to Stamford Bridge.