Five players wey fit crip walk comot Manchester United

We dey hear news say Man Utd wan sign this wan, Man Utd wan sign that one. Some of
this news dem gather weight, some no just make sense at all but the thing be say na true
say Man Utd need add many better ballers for some key positions as we go dey play
Champions League football so and many fans get different players wey dem go like see
for Man Utd as season wan start so.

As we dey reason squad addition so, we don settle down reason some kain men dem wey
suppose swagga comot the club?

Make we try look like 5 players wey fit no dey the club before season start.

Wayne Rooney – Aged 31


Wayne Rooney don do the wan hin fit do

Baba Roo don give hin all and hin don try for Man Utd in hin days when hin still dey
ball but we no go fit dey decieve ourself say those days never pass. Baba ball don
depreciate wela. Personally for me, if you observe Baba in the last like 4 seasons,
hin dey always start poorly but later hin go begin ball. As Man Utd sign Ibro so,
coupled with Young Rash wey surface and then Tony Martial, e no give am room to
improve inside season like before. Now Man Utd still dey find more attacking option
for the new season, so e no go make sense to keep the current captain around at all.

Chris Smalling – Aged 27


Smalling been try hin best

As Mourinho show so, e come be like say ‘Mike Smalling’ wey been don mature under
Louis Van Gaal con turn back to Chris. Injuries and poor performance dem no gree am
again. Even though e get some kain games wey hin ball well, if u reason the addition
of Victor Lindelof, no hope for Chris again.

Marouane Fellaini – Aged 29


Fellaini don last sha

How this particular player take still dey Man Utd den sell SCHMIDFIELD nain dey tire
fans pass. Felli wey all Man Utd fans dey pray, dey fast make hin comot the team, all
of a sudden con ‘gbono Felli Felli’ under Mourinho. Hin been get plenty good matches
but that one no still change the fact say na hin be one of the players wey no too
sabi ball for the club. As e con be say Mourinho don dey eye players like Fabinho,
Matic and Dier, na make Felli just find new club be that.

Ashley Young – Aged 31


Dj Young don ball wela for United

The dressing room Dj don be loyal servant since hin join Man Utd 6 years ago and hin don help the team wela based on as hin dey versatile but hin sef suppose don comot the team, just like Felli. Even for the current squad, hin be like 3rd choice for LB, now wey e be say dem wan add players to the squad make hin just reason one Chinco side.

Adnan Januzaj – Aged 22


Former star boy Januzaj need re-ginger hin career

Chai!I sad! E get the time this particular baller been dey worry wela. If una go help me reason the season after Sir Alex Ferguson comot, na this baller help Moyes ministry if not maybe na 6 months IT Moyes for do for Man Utd. The thing be say for like 3 seasons, hin never really show any prospect and e no go make sense to still dey keep am cus e fit hinder hin progress so United go dey reason ship am comot with priority clause in case the buying club wan sell, as everybody know say the boy sabi ball on a good day.

Make we sha dey observe how the transfer market and the season go happen so.


Wetin you think?

Fill in your details below or click an icon to log in: Logo

You are commenting using your account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s