Bia! Bayern Baby-Mama, Make una Fear God na!!!

2016-11-30T212128Z_123542488_MT1ACI14690171_RTRMADP_3_SOCCER-ENGLAND-MUN-WHU-960x450Last weekend, Olofofo people wey dey chook eye for Football Transfer matter talk say Arsenal (Bayern Baby Mama) bin ready to display dem power to sign Manchester United striker Anthony Martial. If I hear!!!!!

Martial bin score 17 times for Man United for 2015-16 campaign when him waka enter manutd from Monaco as superstar, but the 21-year-old bin just score only eight shikily goals last season as him warm bench for us well well under Baba Special.


Martial been struggle well last season but still try make some confam moves for Manutd

Na true sha, the Frenchman struggle wella to start for less than Man United 38 Premier League games this last season wey pass, and bad belle people dun dey suggest say Martial dey ready to find greener pastures for this summer after him under perform for United.

But now, the player himself dun knack confidence inside the fans mind as him tweet for Twitter on Wednesday morning to yarn say ‘Una see that rumor ehn, Na lie. For them mind!!!’


No need to question am say Martial na ghen ghen person for Old Trafford, and people dey see am say Mourinho na big fan and admirer of the attacker talent even though say him get difficult time for 2016-17 season.

As Bayern Baby Mama them no dey respect themselves, god of Soccer dun help us buurst their nyash open for this transfer market and this go be mega blow for them.

Anyways, them still get time to go buy Chinko Kindergaten pikin them for kunkulu kishi.

Hope say una dey happy with this news sha?


One Blood.

Wetin you think?

Fill in your details below or click an icon to log in: Logo

You are commenting using your account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s