Why ManUtd Players wan Brush Ronaldinho

Paul Scholes talk say e pepper him and hin teammates when Ronaldinho shenk ManUtd to come go sign for Barca for 2003. 

The Old Trafford legend yarn say ManUtd players been plan to knack Ronaldinho black and blue to make am know say them dey vex for am well well but e no work as him God pass their own. 

Wetin cause this beef Na say, The multiple winning Brazilian world best been dey close to waka enter United from PSG that time. And Them talk say e even dey visit ManUtd Headquarters Sef on top transfer matter, but E be like say Na long-throat e been dey do ManUtd. 

As David Beckham waka commot Old Trafford that year that year, Barca been dey hope say him go join them. But as Beckham come fall their hand, Na him Barca sharpally collect Ronaldinho from United reach. 

Scholes say: “Disappointment catch me wella o. Sotey me and my paddy dem come plan say next time Ronaldinho show for our face, we go send am message wey him ancestors no go forget”. 

“We come reach to play Barca for pre-season and as him no gree sign for us we come feel say Na the perfect opportunity. But the problem come be say, nobody fit near am as e dey drimble all of us up and down field sotey we come tire unto say shame come dey catch us. The guy dey tap ball abeg”. 


Quinton Fortune believe say Ronaldinho no gree sign for us as him feel say the weather for be problem. 

Fortune say: “I believe say we no reason the transfer process well because we been invite Ronaldinho to show come Manchester during Raining Season of which I believe say e no pure for am. If to say we time am right, e for be different story now o, bone!!!”.

E for make correct brain if to say Ronaldinho been end up as ManUtd player. 

But who knows?……..

Wetin you feel?

United get two legend games with Barca this summer. One Na for Nou Camp this Friday and the next one Na for Old Trafford for September 2nd. 

One Blood. 

Advertisements

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s