Manchester United dun confirm say four players dun commot.

Manchester United dun confirm say Zlatan Ibrahimovic, Josh Harrop, Kayne Diedrick-Roberts and Faustin Makela dun carry dem poly bag, shoe and small small Ankara wey dem get commot for the club.

Although Ibrahimovic release dun get confirmation last month and Preston con announce say dem dun sign Harrop for free transfer last week, the duo United contracts con officially end for midnight and the club dun issue announcement.

Hours before hin United deal expire finish, Ibrahimovic bid farewell to hin United followers for Instagram with just six words.
Ibrahimovic write say:“I come. I yarn. I ball.” The former Paris Saint-Germain striker con accompany the caption with one picture of am as hin dey celebrate hin FA Cup winner for Blackburn for February. Marcus Rashford and Jesse Lingard knack like button for the post.

The club dun already commot Ibrahimovic and Harrop profiles from first-team section ontop dem official website, as dem leave number nine shirt vacant.

United youngsters dun confirm Diedrick-Roberts summer departure for May through dem Instagram pages.
Diedrick-Roberts, 18, join United from Fulham for 2015 con score for Under-18 win for Middlesbrough wen 2016-17 start but hin other youngsters tell am to chop bench small make dem teach am correct football.

The Lewisham-born forward, wey chop line up selection beside Marcus Rashford for academy attack last season, carry head go Bournemouth as him go do apprentice work there as youth for more minutes for December con return to make hin only United Reserves start as dem draw with Leicester for April.

Makela, 17, no too ball like that as e be say injury no let am rest na d tin con stop am wey make am play just one academy start for successive seasons before hin final campaign with the club.
Congo-born midfielder Makela make hin Under-23 debut for Leicester for April but dun already embarked ontop youth loan with League One Bury due to say hin lack plenty playing time.

Makela con write for Instagram: “Share plenty tinz with good memories join with the boys, ah go miss una & good luck to everyone for future.”


Wetin you think?

Fill in your details below or click an icon to log in: Logo

You are commenting using your account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s