Manchester United target Ivan Perisic dun tell Inter Millan say hin want premier League move

Manchester United been dun dey use offer pursue Inter Milan star Ivan Perisic upandown since, but sti neva make any kyn move as to complete the transfer.

Report con show am say United dun ready to end dem interest for the midfielder ontop the £40m valuation from Inter, but as ​Goal take yarn commot so, Perisic dun inform hin agent say hin fit like move to Premier League – wey fit force the Italian side to sell commot.

Inter Milan dey somekyn financial trouble as UEFA require say make dem offload players so as to get money to pump enta the club. As mata take be, Inter dun manage to complete some kyn small small deals for recent weeks wey con mean say dem no get any need as to sell Perisic right now.

As dem yarn dah one go, e dun dey totori the Croatian midfielder say hin wan move commot from Italy wey fit force hin club to sell am commot and this con put Jose Mourinho on high alert as hin fit get the player for much less than the £40m valuation wey dem talk.

FC Internazionale v SS Lazio - TIM Cup

Perisic dey disappointed with the lack of progress for hin side wey dem make for the last few years. Inter Serie A finish for fourth and seventh con leave the 28-year-old ontop frustration mode as dem con lack Champions League football na d tin con add plenty plenty fuel to hin frustration. 

Perisic dey keen as to play for Premier League, so much say hin dismiss hin former agent wen this year wan start after many attemp wey dun fail as to engineer anykyn move to England.

Perisic new agent Fali Ramadani dun been get full go-ahead to make the dream move to Manchester United come reality as this one con give United big hope as to complete the signing before new Premier League season start.


Wetin you think?

Fill in your details below or click an icon to log in: Logo

You are commenting using your account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )


Connecting to %s