Manchester United dun make ogbonge move for Barcelona star Neymar, as report for Spain take yarn.
Spanish publication Don Balon dun claim say the Red Devils dun make contact with Barcelona con dey willing to pay £173m release clause so as to prise the Brazil international away from Nou Camp.
The dubious report also claim say Ligue 1 giants PSG sef get interest to sign Neymar, as e be say hin score 13 goals con add 11 assists to hin 30 La Liga appearances for Barcelona as dem con finish as runners-up for league to champions Real Madrid.
Report con carry am say Neymar dun plant frustration seed for head as d tin dey grow ontop say Barcelona dey lack activity for transfer market, as e be say na only defender Marlon and attacker Gerard Deulofeu the club dun sign for summer so far.
Neymar sti get contract for Nou Camp until 2021 but United dun show say dem dey willing to break bank so as to sign dem major targets after dem sign Paul Pogba from Juventus ontop world record €105m.
Whether Barcelona go fit use dem church mind sell one of dem key players never show,, especially as dem dey look to follow Real Madrid wrestle back La Liga crown next season.
Neymar dun form impressive attacking partnership with Luis Suarez and Lionel Messi for past few years now and go dey look as to impress new manager Ernesto Valverde.
The former Santos man mo be the only Barcelona weyUnited manager Jose Mourinho dey get likes, as the Premier League side too dey look as to sign left-back Jordi Alba.