Premier League and England star Wayne Rooney wan collect £30m from Manchester United ‘If’ to say hin go commot from Red Devils this summer.
As The Sun take yarn, Rooney dey willing to stay with Jose Mourinho side as hin know say hin fit earn triple the £10m figure Old Trafford chiefs dey offer as goodbye package, as the England international stil get another year ontop hin current contract, with the option for further 12 months.
As hin dey earn £300k-a-week, we believed say Rooney no dey agitate for any move and him and hin advisors dun intend to stay for United, despite say interest dey flow come from former club Everton and even chinko people for Chinese Super League wan tattoo dem name for hin body join.
Rooney dey part of the team wey carry Community Shield, EFL Cup and the Europa League for the 2016-17 season, as dem qualify for Champions League through the latter, but hin role for the side dey uncertain as reports dun claim say hin fit commot after dem usurp am for striking ontop order by Marcus Rashford and Zlatan Ibrahimovic.
Ibrahimovic dun since commot for United after hin suffer season-ending injury for April, but Rooney form in front of goal for recent seasons no commot any suggestion say hin fit dey able to replace the Swede next season.
After hin score eight Premier League goals for the 2015-16 season, Rooney fit only muster up five the following campaign and hin poor form lead the 31-year-old chop dropping from England squad.
Rooney former United and England teammate Gary Neville con admit am say hin dey surprised say the former Everton man future neva get any decision
He yarn BBC: “I dey surprised dem neva deal with am finish.
“You no want make dah kyn speculation hang over pre-season because every single press conference and media session go clog up with the issue of whether hin dey stay abi hin dey commot.”