The Ballon d’Or favourite dun reveal say hin recently become father to twins — as dem allow am to commot for Portugal camp before Confederations Cup third-place play off against Mexico so as to meet hin pikins. And dah one dun con free am so as to face hin former club for Super Cup final for Skopje on August 8.
As Champions League and Europa League winners, Real Madrid and United go nack head together meet for the first time for European final. We dun dey expect say Ronaldo go miss the contest, as hin need plenty plenty time to recover from an arduous season.
As mata take be, hin dun dey able to start hin holidays five days early. Zinedine Zidane dey expect am carry head come training back for August 4 — as e go give am just four days to prepare wella for the clash for Macedonian capital.
But hin go now return on August 1, as e go get a whole week to recover.