Hin be confam young goalscorer wey dun prove hinself, Champions League winner, Real Madrid player – watin be d other tinz wey make am, or make we say hin game, stand out more dan one mile
Hin be ball-carrying forward
Many go just look the 6’2 striker con dey see lanky clumsy individual, but many times for Real hin been dey able to sustain counter attacks as e go dey follow ball run ontop long distances, as dah one go allow the likes of Ronaldo and Bale to make runs off am. Hin get dah kyn rear engine to be box to box midfielder, the skill to be attacking midfielder con join am to shooting technique to be confam striker.
Competent link up play
Throughout last season Morata maintain ogbonge passing accuracy of 78%. The Spaniard always dey guarantees say hin touches for attacking third get meaningful defination and decisive and if hin no fit manufacture any chance for hinself, hin go make sure say hin turn ball distributor as hin go dey supply someone enta any angle. Morata as focal point of United attack fit bring come others for quicker pace than the one wey Ibrahimovic do. Hin go also dey able to dey feed others around am as hin go make in behind runs in relation to one-twos.
Fox inside box
The Spain international dey versatile enough to be poacher. Hin be constant threat for box wey come alive for six-yard box. Hin movement for final third dey often timed as to perfection as hin loves to dey run run across defenders when dem tap cross enta. This kind mindset go perfect wella as e suit Premier League and José Mourinho wide flank tactics.
Pace for middle
For Premier League today, e no too plenty to get all functioning forward wey fit not only hold up play but con stretch defences when need dey. Former Manchester United coach Rene Meulensteen describe the 24-year old as ‘mobile, agile and good as pesin wey go dey create chances.’ The striker too get great acceleration and hin large leg strides make am impossible to catch when hin dun carry aja four gbera!, as hin tall build give am confam flight.
Out and out striker
Alvaro Morata go finally give Manchester United straight central forward option up front. Many dun call for the likes of Marcus Rashford and Anthony Martial to dey start up front but Mourinho dun get different ideas. This one go con allow Manchester United for the first time for many years to get fluid and pacey front three, make we presume say Martial and Rashord dey play on dem respective flanks. The last time the Red Devils get pacey, powerful and clinical striker up front, na when Wayne Rooney still get original hair. No be the kyn Made In China wey hin dey carry up and down now.