Fabio Coentrao – £25.5m; Benfica to Real Madrid for 2011
Mourinho compatriot na only one of the two players hin sign for Real Madrid wey feature for dis list. As for Coentrao, hin enta Madrid as to provide competition to Marcelo but injuries stop hin progress massively.
Cesc Fabregas – £27m; Barcelona to Chelsea for 2014
Fabregas na one of the signings wey win Mourinho Premier League title for 2014/15 as the Spaniard finish the season with three goals con join am with 18 assists to hin name. Mourinho reinvented am enta deeper midfield role e let am pull strings.
Henrikh Mkhitaryan – £30m; Dortmund to United for 2016
The Armenian na one of four signings wey oga Mourinho make last season as United manager. Mkhitaryan take time wella before hin adjust to hin new surrounding but con prove to be very important member for the team for the latter parts of the seasons.
Willian – £30m; Anzhi Makhachkala to Chelsea for 2013
The Brazilian dun prove to be one of Mourinho favourite players as dem also name am as Chelsea player of the season for dem disastrous 2015/16 campaign. Report con also carry am say interest dey from United last season after Mourinho enta chairmoo sear manager.
Eric Bailly – £30m; Villarreal to United for 2016
Bailly prove hinself wella to be defensive stalwart con be undisputed starter for the heart of United defence. Hin strength, pace, reading of game and hin character totori the manager and Old Trafford wella
Luka Modric – £30m; Tottenham to Real Madrid for 2012
Under the Portuguese, Modric struggled wella con chop worst signing for La Liga. Four years later, hin con be arguably the best central midfielder for this world today as hin dun play crucial role as to securing three UEFA Champions League titles ontop several other honours for Real Madrid
Andriy Shevchenko – £30m; Milan to Chelsea for 2006
Mourinho biggest failed transfer so far. Shevchenko na nearly 30-years-old when Chelsea sign am for dah kyn hefty fee for 2006. During hin time for England, the Ukranian tear just 9 league goals for 57 appearances.
Victor Lindelof – £30.7m; Benfica to United for 2017
As things dey now, hin be only the third most expensive signing wey Mourinho make. Wey con remain say hin go show how well hin go fit enta the team, but we always dey spot Mourinho when con be hin signing mata, especially the defensive ones.
Diego Costa – £32m; Atletico Madrid to Chelsea for 2014
When Jose rejoined Chelsea for 2013, hin get struggling mata ontop Fernando Torres and Demba Ba for hin disposal. Hin con sign Samuel Eto’o as hin cover for these players but even then, hin con play Andre Schurrle last last as the lone centre-forward. To rectify these problems wey hin get, hin sign Diego Costa and the Spaniard con repaid hin manager faith in full as hin tear 20 goals for just 26 league games for 2014/15.
Paul Pogba £89m; Juventus to United for 2016
Pogba na arguably one of the best midfielders wey dey this world today and long-term investment as hin still be only 24 years old. Hin dey very influential and fir dun end the season with better goals and assists figures also if hin no dey nack woodwork plenty plenty times or if hin teammates finish some of the clearcut chances hin create.