Former Everton striker Kevin Campbell don commot, yarn hin mind say e go like make Wayne Rooney wakka enter back Everton again.
Everybody sabi say the England international future dey uncertain for Manchester United and many reports dey link am with a move away from Old Trafford. Some talk say na China, while others dey talk say na USA. But former Everton danger man Campbell dey think differently.
“I go like see Rooney for Everton again. The way Wayne take wakka commot bin no make sense dat year as many people bin dey vess say e abandon us but e go make sense if e return to hin boyhood club, the club wey e love. If e happen, e go sweet me,” na wetin Kevin yarn for Talksport.
“Wayne don get experience, e don win every trophy and e fit use hin experience improe the team. Wayne fit tap ball for many positions and i dey believe say e go improve the team especially with the set of new players wey dem don sign. E dey sweet me say Everton dey push for am.”