De Gea na one of Mourinho few ‘dou shall not touch my annoited’ for United.
Few deputies dun ball wella as dem make dem mark on Jose Mourinho like Sergio Romero. After just 45 minutes of action for pre-season, the 30-year-old con go on to start 18 games under the Portuguese – e con remain small to double the total hin manage for hin first season. Romero dun bin be one of handful of players wey dun show sign of confam improvement under Mourinho as hin only sit out ontop three games for United 15-game march to Europa League glory last season.
As hin dun before before work with some quality No.2 goalkeepers, wey con including Carlo Cudicini, Francesco Toldo, Iker Casillas and Petr Cech, Mourinho bin blown commot by the dynamic for United. Romero and De Gea, two international goalkeepers with bokulous experience, dun push each other but sti con remain as padi padi..plenty deputies dun dey as reliable as Romero and Mourinho know am.
As hin con qualify for Champions League, United dun con booat confido wella ontop say dem go keep David de Gea away from all those nonsense deceivers like Real Madrid. But se Mourinho fit afford to drop De Gea for Champions League nights con Romero some game time? Already, the idea say Romero even equal the amount of starts hin make last season fit no gbam like dat to United Champions League commitments.
Mourinho dun always pick hin first-choice stopper for both league games and Champions League ties. Barcelona use Marc Ter Stegen for Europe con jam Claudio Bravo for La Liga for 2015, clubs generally always dey pick dem first-choice goalkeeper for both competitions. As dem go con enta knockout stages of the competition so, the pressure go dun too big to take any kyn risk – particularly when you get game-changing goalkeeper for hand like this. Na the dilemma Mourinho go face again wen September show be this.