E con be like say Manchester United dun finally make the all-important breakthrough ontop dem attempts to sign Real Madrid front-man Alvaro Morata, as reports con dey trowày diff suggestion ontop the Old Trafford club say dem dey hopeful as to announce the deal by Thursday.
As hin con recently marry hin yori yori Alice Campello, Morata cut hin honeymoon short last week so as to return to Madrid ontop effort to resolve hin future.
Ontop dah stage so, we dey think am say the player dun already agree principles of personal terms with United as rumour con attract to the idea say hin fit be Jose Mourinho first choice striker after hin fill understudy role to Karim Benzema for Los Blancos last season.
AS con yarn report commot for Monday say the 24-year-old Pman, Alfonso, and agent, Juanma Lopez, tanda gidigba use dem two leg enta Bernabeu to hold exit talks with the Madrid giants as dem con push the transfer towards completion. The meeting with Real officials con last just under one hour as report take yarn dah one too.
The only issue wey remain dun be as dem go negotiate transfer fee with Real. Now, as new reports take yarn come out, dem tok say ‘significant progress’ dun shele for those talks. E be like say Lopez and Morata Sr. dun convince Real to drop excessively high price tag – wey potentially reach sontin like €80m – con allow deal to happen for United valuation, a figure wey we believe say e reach around £60m.
After hin come Madrid back last week, since den Morata dun go holiday again. As mata take be, we dey think am say hin go dey available to undergo medical con sign contract this week, ahead linking up with the squad for wen hin new club go start dem pre-season tour for weekend.
United first summer friendly go pit Mourinho team against LA Galaxy for 15th July, as fans dey hope say dem go see Morata line up for the currently vacant number nine shirt.