Mbappe move to Madrid fit catapot Gareth Bale come Premier League back

La Liga side Real Madrid sti dey carry hope upandown ontop say dem wan sign French wonder kid Kylian Mbappe from Monaco for world record transfer fee but watin dah one go con mean for Cristiano Ronaldo, Karim Benzema and Gareth Bale?

Report dun yarn am come outside say Mbappe dey open to any move to Bernabeu but con fear say hin no go get the kyn game time hin need with the likes of Ronaldo, Benzema and Bale just jampack demsef for the side. As mata take b, ​Give Me Sport and European football expert Graham Hunter yarn say if Madrid con last last bring Mbappe to Spain, them fit con offload one of their front three to make Mbappe yanch warm wella for dem side.

Ronaldo bin dun quote one time say hin wan commot for Spain ontop allegations by Spanish authorities say hin bin dun dey avoid taxes during hin time for the club but Madrid club president dey certain say the only thing wey fit beta Ronaldo and Madrid at this time be say make hin stay for the club.

Hunter believe say if Mbappe transfer to Real Madrid successful, e fit mean say the Welsh international Gareth Bale fit the one wey go commot for Real Madrid as Ronaldo na arguably the best player for this world today and Benzema na dem main threat through middle of pitch.

Real Madrid CF v RCD Espanyol - La Liga

We con hear say Zidane be huge fan of Mbappe con fit make am regular first-team player the club – as e go conmot Gareth Bale the odd one and as we dey look am so even sidelines hin no go see. For talented player like Bale, bench no go gel foram so na to carry hin poly back and plastic boot commot for the club go sure pass and Premier League fit almost dey certain for hin point of call.

Manchester United dun spent summer dey digg groud for attackers wey go fill Zlatan Ibrahimovic empty space after hin exit from Old Trafford and dun carry am say Jose Mourinho dun dey show likes for Gareth Bale.


Wetin you think?

Fill in your details below or click an icon to log in: Logo

You are commenting using your account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )


Connecting to %s