Alvaro Morata agent and papa do meeting for Monday afternoon for Santiago Bernabeu so as to try push through deal for the Spain international make hin commot for Real Madrid.
Reports dun dey fly say Morata dun supposed switch enta Manchester United for recent weeks, as e be say dem dun agree personal terms between the player and the club – but Madrid and United neva agree ontop any fee for the 24-year-old. Ma dah hold up make dem dey drag drag the deal left right up down sooo teee e con led to reports of unhappiness for Jose Mourinho camp.
And now, as dem dun con start to dey add effort to try speed things up, Morata agent Juanma Lopez and hin papa Alfonso visit Bernabeu around midday (CEST) for Monday afternoon. The meeting, as report from AS take yarn commot, e last under one hour.
We believe say the the Spanish champions go commot for £70m offer from Jose Mourinho, buh as mata take be United dun so far refuse to enta anything wey high pass £60m.
Morata dun dey watch say hin go soon commot for Madrid so that hin fit find first team football. Despite say dem only give am opportunity to start 19 matches last season, the forward stil managed to find back of net ontop 20 occasions for all competitions, and United dun dey eager to make am Zlatan Ibrahimovic replacement.