Manchester United go table new offer for Inter Milan winger Ivan Perisic, na the reports wey we dey hear from Di Marzio.
No be today wey the Red Devils don dey purshue the Inter Danger man but Inter dey prove stubborn as dem no wan reduce their asking fee (£40m).
Di Marzio talk say United go table new offer but the money wey dem go table, go dey below Inter’s asking fee. Na only God sabi if Inter go accept sha. If dem refuse ehn, make United tell dem gerrout.. We wan epp their lives and dem dey do shakara.
Personally if una go ask me, how United go spend £40m ontop person wey never play for Premier League before?? If e come and e flop now, na yawa. The money wey Inter suppose collect for their bend down select player na like £18m.