Manchester United don fail again in attempt to sign Alvaro Morata. Real Madrid wan chop €90m (£79m) for the striker, MUIP don hear.
The Red Devils don identify Spain international as their number one target as they wan ginger their attack force ahead of the 2017/18 season wey dey come.
United don dey yarn with Real tay tay over the deal, because Jose Mourinho wan land Morata, 24, for the beginning of the club’s pre-season tour of the United States next week.
MUIP also hear news say Morata, who dey on holiday, no want return to Real’s pre-season camp unto say he don set mind to join United, na only fee remain make the two clubs agree wey remain.
United bin increased their offer from €70m (£61.5m) to €80m (£70.2m), Real still reject the bid as the spirit of Raiola (greed) don enter them.
Man Utd done make only one signing so far this summer, capturing Sweden defender Victor Lindelof from Benfica.