Man United dun improve the bid wey dem reject as Madrid want £79m

​Report dun carry am say Manchester United dun knock back ontop dem latest attempt to sign Alvaro Morata, as Real Madrid dey demand fee of £79m for the striker.

As Morata stil set yanch no shaking ontop United top transfer target, Jose Mourinho no wan know weda na cutlass abi dagger hin wan troway nack hin former club as to get the deal over the line, but the La Liga and Champions League winners no wan make the deal so seriri werere for United.


​Goal dun report say the Red Devils increase dem offer from £61.5m to £70.2m buh the Spanish giants reject am as them still dey on top the level say dem want shamsham fee wey go sweet dem belle 24-year-old.

As Mourinho sti no rest as hin wan bolster hin striking options next season, report dun commot say United still dey rob mind inside discussion level with Real Madrid to get the deal over the line before the Red Devil pre-season tour in America go start next week.

Morata, wey currently dey holiday, no wan use any kyn church mind go Bernebeu back for pre-season as hin heart dun set as to move enta Old Trafford, as e be say na the fee be the final talk talk the three parties must to do so as to complete all the procedure wey dey ground.

The striker re-joined Real Madrid from Juventus last summer for €32m, as hin tear 20 goals for all competitions for the Spanish side, as the club den dey troway toasting eye giveMonaco Kylian Mbappe as possible replacement if Morata ves commot this summer.

If deal con dun reach hin swift close, as signs dey indicate otherwise say Morata fit become United second signing for summer after the Red Devil finalize move for Benfica defender Victor Lindelof.


Wetin you think?

Fill in your details below or click an icon to log in: Logo

You are commenting using your account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )


Connecting to %s