Wayne Rooney go wakka enter back Everton before this week finish, na the reports wey we dey hear from journalists wey sabi lie.
The Manchester United forward go pack hin bags, toothbrush, as e go wakka commot from Old Trafford this summer, and e go rejoin hin former club for free, na wetin The Sun dey talk.
The 31-year-old, bin warm bench tire last season under new manager Jose Mourinho. The reports talk say Everton dey ready to pay Rooney £250,000-a-week, say money dey, make e no worry.
The paper dey also talk say Ronald Koeman wan sign Arsenal foward Olivier Giroud.
O Boi, if these two deals happen for Everton this summer, dem go worry next season.