Manchester United dun mull over move for Dortmund ace as alternative to target Matic and Dier

​Manchester United summer transfer plans dun finally set enta motion as e be like say the club dun dey plot move for Borussia Dortmund Julian Weigl.

As report carry am sey dem table £75m offer for Romelu Lukaku wey be say Everton dun accept am, the Red Devils dun dey ramp up dem recruitment drive as dem wan also cast dem eye ontop the Germany international.

The ​Daily Mail dun con suggested say manager Jose Mourinho dun hole serious talk with hin board so as to pursue move for Weigl after one kyn Tottenham like that dey price dem Eric Dier for one kyn nonsense amount wey no get sense, as dem too con hole dem interest for Chelsea Nemanja Matic as to say no official confirmation ontop the Blues £35m capture of Monaco Tiemoue Bakayoko dun dey.
Borussia Dortmund Celebrates Winning The DFB Cup 2017

Dem con catch Mourinho as hin yarn say hin wan add defensive midfielder to hin ranks as hin go slowly plan to phase out veteran deep lying playmaker Michael Carrick.

Dem sti view the 35-year-old as important part of the first-team set up for Old Trafford, but we no fit deny am say Mourinho go want someone wey be say hin dey  younger to form dynamic midfield three alongside Ander Herrera and world-record signing Paul Pogba.

United dun enquired ontop Spurs Dier wen summer wan start but, as the Lilywhites dey unwilling to sell the England international for anything wey less pass £50m so, united tell dem to carry dem chicken brain commot enta gutter as dem carry dem attention face people wey be say dem wan get sense small pass.

The Europa League winners dun also harboured hopes as to lure Matic from Stamford Bridge to North West of England, but the Premier League champions no deu willing at all as to sanction hin departure until dem carry blue wrapper tie Bakayoko gele, con use am do shirt and trouser foram as to welcome am to Stamford Bridge.

Any possibility say dem go allowi Matic commot go United fit now scupper if Mourinho side beat Antonio Conte Londoners as to grab Lukaku signature first, particularly if the Blues dun con carry vexation dey sell for London upandown ontop we do dem saraki level for one of dem primary transfer targets.

Weigl, wey be say we believe sag hin be third-choice ontop Mourinho midfield wishlist, fit arguably favour switch to England and, pesin wey be say na just 21-years-old so, go get plenty plenty time to adapt con fit spear leg, carry newspaper read con dey drink cold beta origin dey use am coole ontop Mourinho image.

The Dortmund ace dey sidelined as we dey yarn so cos say hin break hin ankle commot as hin sustain am for the final few weeks of last term, as hin no dey due to return to full fitness until mid-September at the earliest.

However, the ex-1860 Munich star fit chopchance to gain full match fitness as hin go con acclimatise to life for Premier League before dem troway am enta action regularly for the coming 12 to 18 months.

Weigl dun show for 94 appearances for all competitions for the 2017 DfB Pokal Cup winners, as hin dun feature five times for the senior German national side.



Wetin you think?

Fill in your details below or click an icon to log in: Logo

You are commenting using your account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )


Connecting to %s