Luka Modric dun warn hin teammates Alvaro Morata and James Rodriguez ontop the danger wey dey if dem commot from the Champions League winners this summer.
Both players dun receive plenty plenty offer from plenty Premier League clubs, wey be say dem go dey see pley time pass wen dem dey Bernabeu set, but the Croatian international tell Marca say the decision to commot for Los Blancos no be shere shere o.
Both players bin dun dey linked with moves to Manchester United and Chelsea this summer, but Modric con insist: “Tru tru no be easy decision to commot for Madrid. When you commot here, then nothing dey same.
“Now you dey the best club in the world, dah one sure, and from there you go just go down. Everyone go get dem reasons, but I no see am myself. Things for football change fast.”
As dem ask am ontop summer arrivals of Marcos Llorente and Dani Vallejo wey come back from loan moves, and Theo Hernandez from Atletico Madrid, Modric yarn: “E dey difficult. Watin the club dun do for recent years na good way with the signings [refers to young people].
“I fit only sign them if dem fit improve the team enough. E dey difficult to find players wey go fulfil that, to improve us. We get very good team. The club and coach know watin we need, na dem decision. We go accept who dem sign and go help them to adapt.”