As Manchester United and other league rivals start to dey circle, Tottenham dun troway strong message for dem stance ontop Eric Dier as dem insist say dem no go entertain any kyn bid for the midfielder as dem no wan know the kyn price dem wan tag am.
The 23-year-old dun earn hinsef plenty plenty admirers, as United boss Jose Mourinho dey among them as report take carry am say the Red Devils dun make bid for the England international.
As mata take be, Mauricio Pochettino dun con intent as to keep hin man next season football.london dun report say Spurs dun put am ontop record say the club no dey use any church mind part with Dier for any price.
Following hin arrival from Sporting CP for 2014, Dier dun quickly become integral part of Spurs lineup as hin dun make 96 league starts for three seasons such as hin ability to cover positions for central midfielder, right-back or centre back.
As Spurs con identifyDier as den key man for dem Premier League title ambitions next season, Pochettino dey strong for hin position say the 23-year-old go stay with the north London club.
As hin leadership qualities within the dressing room fun start to dey blossom, Dier dun prove say hin be valuable asset ontop and off field as the club go dey hope say hin go help guide Tottenham young squad to brighter pastures for years ahead.
The report con also suggest say Spurs never opened talks with Real Madrid ontop the possible move for Croatia international Mateo Kovacic, despite say popular belief show say dem dun approach am.