Monaco midfielder Fabinho dun enta report sheet say hin yarn the Ligue 1 champions say hin wan commot for the club.
As Manchester United and PSG dun show for report say dem get interested for the 23-year-old, French publication L’Equipe claim say Fabinho dey eager to leave this summer, despite say hin win France top division last season.
And despite say PSG dey show plenty interested, Fabinho sti dey eager to move to England and dah one fit make United favourites to land hin signature as dey no dey look any uche for face take of say dem be sharp club, dem wan bolster dem midfield ranks, wey already dun include likes of Ander Herrera, Paul Pogba and Michael Carrick.
As mata take be, the Red Devils go get part with large sum so as to sign the Brazil international, as Monaco dun already reject £40m transfer offer from Ligue 1 rivals PSG.
United dey eager to sign midfielder during the window and dem pursuit for Tottenham man Eric Dier dun prove say e no go dey successful, as Spurs ogaboss Mauricio Pochettino dey eager to retain the England international due to hin versatility.
News wey con show ontop United move for Chelsea star Nemanja Matic dun carry slow motion for leg, as any deal dey unlikely to be completed until after the Blues dun announce dem signing of Fabinho Monaco midfield partner Tiemoue Bakayoko.
A whole host of Monaco first-team stars dun enta link sheet commot from the Stade Louis II, but so far the only crucial player wey dun commot na winger Bernardo Silva to Manchester City.
Fabinho na crucial part of Monaco title-winning squad, as hin tear nine goals con contribute for assist join for 37 Ligue 1 appearances.