Romelu Lukaku – I go Replace Zlatan Ibrahimovic


Romelu Lukaku don catapot yarn say him go handle the striker role wey Manchester United give am him own way. Say hin no wan be the next Zlatan Ibrahimovic. This guy no dey joke sha.

Lukaku been dey yarn with ESPN FC  and hin con pay tribute to Zlatan as hin talk say the big swede been do ogbonge job for Machester United before hin injury last season.

Him talk say: “Zlatan na the main man for Man United last season, and as him be Papa for the game, I dey really look up to am and I dey learn borku from am because we get the same agent“.


“Him dey always send me advise and e dey help me improve wella”.

“But me na Romelu Lukaku and Zlatan Ibrahimovic na different perzin. I go perform for that striker position for my own way, but I gas work hard wella so I go fit deliver pass wetin I don achieve before for my career”.

“The team na the most important thing for Manchester United. This team so go gas win all dem trophies and everybody gas do their best to ensure say the club go waka back to him to the glory days to collect every trophy wey we dey win before.”

Peoples, sand sand no dey him mouth when him talk all these things o. Una feel say Lukaku signing go boost confidence for our attacking side?

One game at a time.

One Blood.



Wetin you think?

Fill in your details below or click an icon to log in: Logo

You are commenting using your account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )


Connecting to %s