Ivan Perisic just dey pure fuel ontop hin transfer rumour after ANOTHER ‘cryptic’ social media post

As I dey now en I no con understand watin dey happen, but e be like say this perisic pikin na fuel seller. E no dey waste time, hin just dey tear fuel ontop hin transfer rumour. Anything the fire wan off baba dun carry fuel light am again.

As long term target for oga José Mourinho, Ivan Perišić bin dun dey heavily linked with move enta Manchester United this summer as the Red Devils dun before before troway two bids give the Croatian international but some mumu just dey pres reject button ontop hin mata. 

This time Perišić no even dull hin set as hin carry one tanker of fuel con add am to the fire wey dey burn before as we sight one of hin social media post as the forward pose snap picture for one airport as hin caption am say “#destinationunknown”. 

Meanwhile, Inter Milan boss Spalletti  con confirm say the club dun dey set to do look me I look you oya les yarn with Perišić, player wey be say Spaghetti fit like make hin stay for San Siro next season, as Sky Sports take yarn commot.

“I go follow everyone yarn con, of course, for those wey dey ‘distracted’ dem go chop different words,” yarn Spaghetti

“I go listen to am (Perišić). I dey count on am but go need to understand hin intentions. E no go dey nice for me to hear am yarn words like ‘I wan commot’. We go see sha.

“Una dey yarn ontop Perišić and hin desire to commot but I need to listen to hin own words first then i fit con decide how to act.

“In any case, I go yarn this one: we be Inter and we fit choose to make different decisions to the ideas of players.

“I sha de hope make i get am for the side, I dey count on am and I dey positive for dah sense.”

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s