Manchester United dun confirm the signing of Everton star Romelu Lukaka ontop five year contract

Manchester United dun officially confirm say dem dun complete signing of Everton forward Romelu Lukaku for hin nitial five-year deal – with option say hin fit extend for a further year – as we dey think am say e fit worth sontin like £75m. 


The club reveal am on Saturday morning say deal for the 24-year-old Belgian forward dun get agreement stamping with Everton, as e just remain hin medical and agreement of personal terms to go before the move fit be officially completed. 

Lukaku hinsef dun fans up to date with hin medical overnight, as hin first post picture wey hin caption am say ‘Medicals…’ before one second post of am as e dey give thumbs up, as e con caption this one ‘finito!’


Yarning on top the club website, hin thank hin former club Everton, but con admit say hin no fit wait to make hin debut for hin new club.


“I just wan start to thanking Everton and the fans for the last four wonderful seasons, I dun make some special friends and we dun share some totori moments,” he yarn.

Everton v Leicester City - Premier League

“As mata take be, when Manchester United and Jose Mourinho come dey knock my door and e con remain small make dem commot d door sef,  na confam opportunity of a lifetime and one wey I no fit turn down.


“I no fit wait make I start to dey ball for Old Trafford in front of 75,000 fans but before dah one pre-season na where the hard work start and I dun ginger ready as i dey look forward to that first training session.”


Prior to Monday confirmation, hin also con revealed to ESPN say the part wey agent Paul Pogba play for his move, as the pair post plenty plenty social media updates from Los Angeles this week.

“I bin dun dey yarn [Pogba] for about seven or eight years,” he tok. “And now hin dey live for Manchester. I live for Manchester. Hin live like down the road from where I dey live, so we dey together on daily basis.


“Hin bin dey explain to me how e dey go for the club, and e con trig sontin enta my head. When the opportunity come, I no con think twice. I dey happy.”


Ontop the official confirmation, Lukaku new manager Jose Mourinho con add “Romelu na natural fit for Manchester United. Hin be big personality and big player. E dey only natural sau hin wantto develop hin career for the biggest club. Hin go be great addition to the group and I know say dem go make am very welcome. I con dey really look forward to work with am again.”

Advertisements

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s