Manchester United dun dey tipped to nack Chelsea another huge blow for dem transfer market this summer after the latest gossip con claim say the Old Trafford club dun ‘agreed fee’ with Monaco for midfield enforcer Tiemoue Bakayoko.
United gazump the Premier League champions to chop and clean mouth ontop £75m deal for Everton striker Romelu Lukaku last week as dem con suggest now say dem fir do the same with Bakayoko, player wey dun dey on verge to join Chelsea for several weeks.
Chelsea dun set dem fish brain deg tink say dem dun propose £35m deal in place for the 22-year-old, but ‘exclusive’ from the Daily Star dun sensationally claim say United themselves dun show say money dey as dem now dun match the offer con agree a possible £35m transfer for dem own.
If na true, the player go need suddenly decide the kyn Premier League club hin wan join.
After rumours ontop medical for late June, dem con tip Chelsea to formally announce Bakayoko deal when transfer window officially open for 1st July, but we look uche face since we never hear anything.
When d tin enta 10 days of silence from the club for dah side, e go con show as possibility say the unexpected delay dun con open door for United to swoop for the 11th hour.
Dem dun tip United to pay Chelsea £40m for Nemanja Matic kiakia wen dem confirm Bakayoko enta bag.
But the deal con appeare to carry chair con cross leg ontop table dey sip tea after relations between the clubs con turn bitter leaf as Lukaku and the Manchester club con use parker nd malam broom sweap the middleman commot con carry matters enta dem own hands for the dog-eat-dog world wet be the summer transfer market.
Chelsea con vex seal £34m signing of German defender Antonio Rudiger from Roma for Sunday, but dem only other successful transfer this summer dun commot for the free signing of ex-Manchester City back-up goalkeeper Willy Caballero, as e con turn major source of frustration for Antonio Conte.