Wayne Rooney don send Thank You message to Manchester United

Wayne Rooney don send emotional message to the Manchester United staff, players and people wey dey support the club on Sunday afternoon. The time wey e send am na after e Everton confirm hin signing.

wayne-rooney-file-photo

The former captain wakka go enter the club wey blow am, na there wey e play hin first professional match, na after e shine for there, Sir Alex Ferguson con sign am in 2004.

Wayne don spend 13 years for Old Trafford and e don carry 16 trophies, na emotional moment for the United legend and e dey wakka enter back Merseyside and this na wetin e yarn for social media.

“I just wan hail & thank everybody wey dey Manchester United,” na wetin Rooney yarn.

“I wan thank the board, the managers and all the coaches wey don train me, the staff wey i don work with, all the players wey i don play with, and finally i wan thank all the fans. E dey make my head swell say i don play for una. I no fit forget una.”

Some of the current United players wey send message to Wayne na Ander Herrera and Jesse Lingard, as the thing hit dem say Baba Roo don dey commot.

This na wetin Lingard yarn: “Baba Roo, i wan wish you all the best in your career. E dey make my head swell say i don learn plenty things from you.”

This na wetin Herrera yarn: “One day, i go tell my grand children say i bin play football with you. I wan wish you well Baba Roo. You be legend.”

No be only the current United players wey yarn ontop the matter o, former United right-back Gary Neville self bin yarn: “All the best Baba Roo, i wan hail you for the kind big career wey you get for United. You be the best striker wey i don play with, and i don watch.”

Advertisements

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s