Manchester United don yarn with Serge Aurier sake of summer transfer

According to the tori wey dey commot from France, Manchester United don go toast Paris Saint-Germain shin shine bobo Serge Aurier

Aurier, 24, been struggle to see time for game for Parc de Princes last season as Thomas Meunier show face for there and we don come begin hear say the ogbonge right-back don dey try to comot all him bag, shoe and Ghana-must-go dem before 2017/18 catch am for dia again.

L’Equipe been talk say Aurier don follow him oga boss for PSG Unai Emery yarn wetin dey him mind to do as last season end and as we nor dey carry last, United don follow dem yarn to see if dem ready to sell the defender.

Old Mama (Juventus), awa Noise Maker neighbour dem (Manchester City), Sleeping Giant (AC Milan) and Fall fall babies dem (Barcelona) sef don follow chook eye for him matter for some month wey don pass, as e come dey be like say, no how, now how wey the Cote D’Ivoire boy go finally comot.

Aurier chance for PSG go dey small dey go, if him reason to stay dia, after Juventus Dani Alves sign two-year deal with the baba dem for Ligue 1 this week.

Jose Mourinho eye don dey chook as him don enter market dey find defenders dem dis summer and Aurier, among other ones dem own come dey serious .

Antonio Valencia with Matteo Darmian na dem we sabi for now say dem be United right-back.

Advertisements

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s