Manchester United manager Jose Mourinho don admit say e go try out Romelu Lukaku and Marcus Rashford combo during pre-season, to see if e go click, so e go sabi whether e go use am during the season.
“During Pre-season, i go try use Lukaku and Rashford together to see if dem go gel,” na wetin Mourinho yarn.
“Rashford don dey evolve. Hin body don dey change. Since the time wey i wakka enter here, e don grow taller self.”
Reds boss bin dey impressed with Lukaku’s performance, even if the Belgian no tear net.
“Lukaku no tear net but e play pass some people wey tear net. E play like confam target man, e move wella, e bin no dey selfish, e dey pass and e hold ball well and e try for counter attack.”
The Reds boss also yarn ontop the fact say e fit implement three at the back policy.
“We don train for five days. And two of the days, na three at the back policy wey we try. We go continue dey try am, so we go improve on am, incase we need am this season.”
As una sabi say Wayne Rooney don commot, and Michael Carrick na the new captain of Manchester United, the Reds boss don admit say e no get second in comman captain.
“We no get vice-captain, na only one captain wey i need. If Carrick no dey on the pitch, Another person go wear armband.”