Man United & City target Alexis Sanchez don provide update ontop hin Arsenal future


Alexis Sanchez no wan renew hin contract with Arsenal

Manchester United & City target Alexis Sanchez don confirm say e wan wakka commot from Arsenal, say e don tire.

The Chilean foward na one of the people wey Jose Mourinho and Pep Guardiola go like buy this summer and e don finally yarn about hin future at the Emirates for Radio Sport Chile.

Na only one year remain wey the 28-year-old get for hin contract and Arsenal don dey beg am, say make e renew hin contract but e dey refuse am. The rumour wey we dey hear na say e dey demand for £400,000 a week.


The Chilean wan play Champions League football

This na wetin e yarn for Radio Sport Chile when e wakka enter hin village Tocopilla to visit hin family. “I wan play ball for Champions League. The decision no depend on me alone sha, na Arsenal i dey wait for,” na wetin Sachez yarn.

Everybody sabi say Arsenal bin no fit qualify for Champions League after dem finish 5th position last season, e mean say na Europa League dem go play and Sanchez no wan dey play ball for there.

“I don make up my mind, na Arsenal i dey wait for. I wan play Champions League. No be today wey i don dey see am for dream, say i go dey tap ball for there.”



Wetin you think?

Fill in your details below or click an icon to log in: Logo

You are commenting using your account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )


Connecting to %s