E dey sweet Manchester United to announce say Sergio Romero don renew hin contract wey go keep am at the club until June 2021, e also fit extend am by one year if e want.
Romero wey be 30-years-old, bin wakka enter the club in July 2015. Sergio bin play bin first United game on 27th August 2015 and since then, e don keep 28 times for the club. The last time wey e keep for the club na the UEFA Europa League final wey the Red Devils knack Ajax.
This na wetin Sergio Romero yarn:
“E sweet my belle say i don renew my contract. Why i go wan commot the biggest club wey dey this world? We get goalkeepers wey sabi and we dey learn from eachother. Ehen now, e dey make my head swell and my family dey feel me say na me keep during the Europa League final. I dey look foward to our 2017/18 season and i go try my best to epp the team succeed.”
This na wetin José Mourinho yarn:
“Sergio na goalkeeper wey sabi and e be professional. E try wella last season and e impress me, especially for our Europa League success. The contract wey United offer am, e deserve am. Manchester United dey lucky to have big keepers like David and Sergio.”