Manchester United manager Jose Mourinho dey plan to reshuffle the team wey e go use against Real Pepper Lake abi na Salt Lake.
The Red Devils bin wakka enter Salt Lake City on Monday and the only wey dey their mind, na say dem go demolish Real Salt Lake… So dem fit continue from the massive 5-2 demolition wey dem give LA Galaxy.
The first pre-season match wey the Reds bin get, Jose Mourinho bin deploy three defenders at the back, but for MUTV, e don reveal say e go switch back to hin famous back four and e go continue dey try out different players in different positions.
“We no go use the same formation wey we use knack LA Galaxy, so i go change many things and we go approach the game differently, na four defenders wey we go use,” na wetin Mourinho yarn.
“We go work according to my philosophy. Most people go play 45 minutes but some people go play less sha onto say i go like test some small pikins.”