Wetin You fit expect from Manchester United vs Real Salt Lake?

Image result for real salt lake vs manchester united

Like play like play, one match don finish and na six matches wey remain for pre-season… Ehen, That na how Manchester United knack LA Galaxy 5-2.. Now the Reds dey wakka enter pitch to face another MLS side wey dem dey call ‘Real Salt Lake’.. Whether na Salt abi na Pepper, we at MUIP believe say United go give dem serious knacking. The official time of the match na Tuesday 3:00am (GMT).

How you fit watch am? Well DSTV no dey show am and if you dey Nigeria or any other African country, You no go fit access the MUTV app so make i dey honest, the matter dey God hand. We at MUIP go run the commentary live for our Twitter @manutdinpidgin Timeline so you fit chook your neck for there so you no go miss any action.

romelu-lukaku-henrikh-mkhitaryan-anthony-martial-manchester-united_1qyiwh042hry21p0tvx0bx1yzy

Wetin happen for our first match? Na better apako knacking. The people wey shine na Marcus Rashford, Lingard and Juan Mata. E be like say Rashford no dey afraid say Lukaku don enter, e dey show Jose Mourinho hin worth.

Who we dey face now? Real Pepper Lake, abi na Salt lake na club wey dem find 13 years ago. Right now, dem be ninth position in the MLS Western Conference. Dem dey two points behind LA Galaxy for table.

Wetin we dey predict? We for talk say the match go end 7-0 but we wan pity dem, na 6-0 e go end. The people wey go score na Rashford, Mata, Lukaku, Herrera and Martial.

Advertisements

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s