Jose Mourinho don turn hin focus to Chelsea midfielder Nemanja Matic, after Tottenham no gree make Manchester United sign Eric Dier, na the reports wey we dey hear from The Sun.
The Sun dey claim say the main Defensive-midfielder wey Mourinho bin wan buy this summer na Eric Dier but as Spurs no gree sell, wetin man go do? Mourinho gots settle for old cargo Matic.
The Serbian don already yarn Chelsea say e wan commot, and e wan go United. The Premier League champions talk say if the Reds fit table £40 million, say make dem come carry am.
On the other hand, Juventus dey also chook eye for Matic and e sure me say Agberos go wan sell am to the Serie A champions onto say dem no go like make Matic wakka enter League rival club.
Before Chelsea bin no wan make Matic commot because dey bin take time to secure Tiemoue Bakayoko’s deal. Now wey dem don confirm am, dem fit kick Matic commot.