Journalists wey bin wakka enter Jose Mourinho’s press conference, bin ask am about how e see the matter say Kyle Walker don move from Tottenham Hotspur to Manchester City for £50million, The Reds boss con yarn say e dey part of the modern game.
“E no shock me, make i no lie,” na wetin Jose yarn. “I don dey talk am since, no be today, say many clubs get money and na why dem dey do shakara. If you wan buy their player, dem fit tell you say dem no dey sell or dem go tell you say if you no drop this amount, fashi.
“I for reason say Manchester City go like pay £25million for Kyle,i fit reason am, but e sure me say dem disturb Spurs tire sote Spurs tell dem say if dem no bring 50 milla, make dem forget.”
“Then you go decide whether you wan pay or not. Na people go decide how the market go take be. The thing wey dey confuse me now na say, before teams bin dey spend big money to buy world class players. Now dem dey spend big money to buy players wey just dey try(normal players)… Big difference dey between World Class players and normal players. Now the figures wey teams dey put as price tag to normal players dey crazy.”